འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་དུས། 2024ལོའི“དགུན་ཁར་བོད་དུ་ཡུལ་སྐོར་བྱེད་པའི”འགོ་ཚུགས་མཛད་སྒོའི་རིམ་སྤེལ་བྱེད་སྒོ་བོད་ལྗོངས་ཟློས་གར་ཁང་ཆེན་དུ་འཚོགས་པ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དྲིལ་བསྒྲགས་པུའི་པུའུ་ཀྲང་དབང་ཧའེ་ཀྲོའུ་མཛད་སྒོར་ཞུགས་པ་དང་འབྲེལ་ཤིས་ཚིག་ཀྱང་བསྒྲོན་པ་དང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཞུས་ཀྲི་ཐའོ་ཡིས་2024ལོའི“དགུན་ཁར་བོད་དུ་ཡུལ་སྐོར་བྱེད་པའི”བྱེད་སྒོ་འགོ་ཚུགས་པའི་ཁྱབ་བསྒྲགས་གནང་བ་རེད། རྒྱལ་སྤྱིའི་ས་ཁོངས་ཕྱིའི་ཡུལ་སྐོར་ཚོང་པའི་རྟོག་ཞིབ་རུ་ཁག་གི་སྐུ་མགྲོན་དང་། རྒྱལ་ནང་གི་ཡུལ་སྐོར་ཚོང་པ། OTAཁེ་ལས་ཀྱི་འཐུས་མི། པར་རྒྱག་ལ་དགའ་མཁན། ཡུལ་སྐོར་བརྡར་པ། དེ་བཞིན་རྒྱལ་ཡོངས་ས་གནས་ཁག་ནས་ཡོང་བའི་སྨྱན་སྦྱོར་གྱི་གསར་འགོད་པ་བཅས་ཁྱོན་བསྡོམས་མི་200ལྷག་ཙམ་མཛད་སྒོར་ཞུགས་པ་རེད།