ཉེ་ཆར་ལྷུན་གྲུབ་རྫོང་མི་དམངས་ཁྲིམས་ཁང་གིས་གྲོང་གསེབ་ཏུ“བཅའ་ཁྲིམས་ཀྱི་འདུ་ཤེས་ཟབ་ཏུ་བཏང་ནས་ཁྲིམས་འགལ་གྱི་མ་རྩ་བསྡུ་རུབ་ལ་དོགས་ཟོན་བྱེད”ཅེས་པའི་བརྗོད་དོན་གཙོ་བོའི་དྲིལ་བསྒྲགས་བྱེད་སྒོ་སྤེལ་བ་རེད། བྱེད་སྒོ་སྤེལ་རིང་། ལྷུན་གྲུབ་རྫོང་མི་དམངས་ཁྲིམས་ཁང་གི་སྒྲོག་འགྲེལ་རུ་ཁག་ཞིང་ནང་དང་མུ་ཁར་བསྐྱོད་དེ་གོ་བདེ་ཤེས་སླའི་སྐད་ཆ་ནས་མང་ཚོཌ་ཀྱིས་ཁྲིམས་འགལ་གྱི་མ་རྩ་བསྡུ་རུབ་ཀྱི་དོགས་གཞི་ཡོད་པའི་གྱོད་དཔེ་དང་ཉེས་པ་གསོག་སྟངས་ལ་རྒྱུས་ལོན་ཡོང་བ་བྱས་པ་རེད། འདི་ནི་ལྷུན་གྲུབ་རྫོང་མི་དམངས་ཁྲིམས་ཁང་གི་ལས་དོན་པ་ཞིང་ནང་དང་མུ་ཁར་བསྐྱོད་དེ་ཁྲིམས་ལུགས་དྲིལ་བསྒྲགས་བྱེད་བཞིན་པ།