པེ་ཅིང་དང་བོད་ལྗོངས་ས་གནས་གཉིས་ཀྱི་བསམ་བློ་ཆབ་སྲིད་ཀྱི་རིགས་གཅིག་མཁས་ཅན་མཉམ་དུ་འཛོམས་ནས་ས་གནས་གཉིས་ཀྱི་བསམ་བློ་ཆབ་སྲིད་སློབ་གསོའི་ལེའུ་གསར་པ་བརྩམས་པ།

ཉེ་ཆར། ལྷ་ས་གྲོང་ཁྱེར་སློབ་གསོ་ཅུས་དང་བོད་ལྗོངས་སློབ་ཆེན་གྱི་ལྷག་བསམ་ཟོལ་མེད་ཀྱི་གདན་ཞུ་དང་། པེ་ཅིང་བོད་སྐྱོར་བཀོད་འདོམས་པུའུ་ཡི་རྒྱབ་སྐྱོར་ཤུགས་ཆེན་ལ་བརྟེན་ནས་པེ་ཅིང་གྲོང་ཁྱེར་བསམ་བློ་ཆབ་སྲིད་རིགས་གཅིག་མཁས་ཅན་ཚོགས་པ་བོད་ལྗོངས་སློབ་ཆེན་མར་ཁེ་སི་རིང་ལུགས་སློབ་གླིང་དུ་ཡོང་ནས་སྤེལ་རེས་དང་བཞུགས་མོལ་ཚོགས་འདུ་འཚོགས་པ་རེད།

ས་གནས་གཉིས་ཀྱི་རིགས་གཅིག་མཁས་ཅན་གྱིས་ལྷ་སའི་སློབ་གྲྭ་ཆེ་འབྲིང་ཆུང་གསུམ་གྱི་བསམ་བློ་ཆབ་སྲིད་སློབ་གསོ་གཞི་གཅིག་ཅན་འཛུགས་སྐྱོང་གི་ལས་དོན་ལ་ཚད་མཐོའི་ཁས་ལེན་གནང་ཞིང་། ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱིས་ལས་དོན་དེར་སྐུལ་འདེད་བཏང་བར་གྲུབ་འབྲས་མངོན་གསལ་དོད་པོ་ཐོབ་ནས་ལྗོངས་ནང་ཁུལ་གྱི་སྔོན་ལ་བསམ་བློ་ཆབ་སྲིད་སློབ་ཚན་གཞི་གཅིག་ཅན་འཛུགས་སྐྱོང་བྱས་ཡོད། 2023ལོར་སློབ་གྲྭ་ཆེ་འབྲིང་ཆུང་གསུམ་གྱི་བསམ་བློ་ཆབ་སྲིད་སློབ་གསོ་གཞི་གཅིག་ཅན་འཛུགས་སྐྱོང་གི་གཅིག་མཐུན་ཚོགས་པ་བཙུགས་ནས་སློབ་ཚན་འཛུགས་སྐྱོང་དང་། དཔུང་ཁག་གསོ་སྐྱོང་། མཐུན་སྦྱོར་གསོ་སྐྱོང་། སློབ་ཚན་སྒྱུར་བཅོས་སོགས་ཀྱི་ཐད་འཚོལ་ཞིབ་ཧུར་ཐག་བྱས་པས་ཕན་འབྲས་མངོན་གསལ་དོད་པོ་ཐོན་ཡོད་ཅིང་། འདི་ནི་སྤེལ་རེས་བཞུགས་མོལ་ཚོགས་འདུ་ཚོགས་ཡུལ་ཡིན་པ།