འདི་ག་ཚགས་པར་ཁང་དུ་སེང་གེ་ཁ་འབབ་ནས་གློག་འཕྲིན་འབྱོར་གསལ། 2024ལོའི་དབྱར་དུས་ཀྱི་བདེ་འཇགས་བཅོས་སྒྲིག་བྱ་སྤྱོད་སྤེལ་ཚུན། མངའ་རིས་སྤྱི་བདེ་ལས་ཁུངས་ཀྱིས་གློག་འཕྲིན་ཁ་བསླུས་དང་། རྐུ་འཕྲོག་བསླུ་གསུམ། འཆལ་རྒྱན་དུག་གསུམ་སོགས་ཀྱི་ཁྲིམས་འགལ་ཉེས་གསོག་མངོན་གསལ་དོད་རིགས་ལ་དམ་པོར་དམིགས་ནས། བདེ་འཇགས་བཅོས་སྒྲིག་གི་འགག་སྒྲོལ་བྱ་སྤྱོད་སྤེལ་བ་དང་། གློག་འཕྲིན་ཁ་བསླུས་ལ་ངོ་རྒོལ་དང་། ཆུ་སུབ་ཐེབས་རྒྱུ་སྔོན་འགོག མེ་སྐྱོན་སྔོན་འགོག ཆང་བཏུང་འཁོར་གཏོང་བཀག་འགོག་སོགས་ཀྱི་བདེ་འཇགས་ཤེས་བྱ་དང་བཅའ་ཁྲིམས་དྲིལ་བསྒྲགས་བྱེད་སྒོ་རྒྱུན་མཐུད་སྤེལ་བ། མིག་སྔའི་བར་ཉེན་རྟོག་པ་མི་ཐེངས་7061བཏང་བ་དང་། ཉེན་རྟོག་པའི་རླངས་འཁོར་ཐེངས་2478བཏང་བ། གཙོ་གནད་ཁུལ་1332ལ་སྐོར་ཞིབ་བྱས་པ། རླངས་འཁོར་ཐེངས་ཁྲི་11.328བཏང་བ། རིགས་ཁག་གི་ཉེས་དོན་གྱོད་གཞི་10རྩད་ཆོད་པ། ཉེས་གསོག་དོགས་ཅན་11བཟུང་བ། རིགས་ཁག་གི་སྲིད་འཛིན་གྱོད་གཞི་38ཞིབ་བཤེར་ཐག་གཅོད་བྱས་པ། ཁྲིམས་འགལ་བྱེད་སྤྱོད་སྤེལ་མཁན་52བཟུང་བ། འགལ་བ་དང་རྩོད་གཞི་192ལ་གྲལ་བཤེར་བྱས་པ། རིམ་རྩིས་བྱས་ན་གནས་སྐབས་ལས་སྒྲུབ་ས་ཚིགས་220བཙུགས་པ། རིམ་རྩིས་བྱས་ན་རིགས་ཁག་གི་རླངས་འཁོར་ཐེངས་ཁྲི་5.9ལྷག་ཙམ་ལ་ཞིབ་བཤེར་བྱས་པ། རིམ་རྩིས་བྱས་ན་རིགས་ཁག་གི་འགྲིམ་འགྲུལ་ཁྲིམས་འགལ་བྱེད་སྤྱོད་ཐེངས་2454ཞིབ་བཤེར་ཐག་གཅོད་བྱས་པ། རིམ་རྩིས་བྱས་ན་རིགས་ཁག་གི་ཁྲིམས་སྐྱོང་དྲིལ་བསྒྲགས་ཐེངས་508བྱས་པ།