འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉིན་ཤས་གོང་། རླངས་འཁོར་གྱི་དུང་བརྡ་གྲགས་པ་དང་བསྟུན་ནས་དངོས་ཟོག་བྱུར་པོར་བླུགས་པའི་ཟོག་འདྲེན་རླངས་འཁོར་2ལྷ་ས་ནས་ཐོན། ཨ་སྒོར་ཁྲི་8རི་བའི་གྱོན་ཆས་དང་ཁྱིམ་སྤྱོད་གློག་ཆས་སོགས་ཧི་མ་ལ་ཡ་བརྒྱུད་ནས་ནེ་པ་ལའི་གྲོང་ཁྱེར་ཀ་ཏ་མན་རྡུར་ཡོད་པའི་རྒྱལ་ཕྱིའི་མཛོད་ཁང་གི་ཕྱོགས་སུ་ཐོན་པ་རེད། དེ་ནི་བོད་ཀྱི“9810”（ས་ཁོངས་སྒྲོལ་བའི་གློག་རྡུལ་ཚོང་དོན་ཕྱིར་གཏོང་གི་རྒྱལ་ཕྱིའི་མཛོད་ཁང）ཡི་ལས་སྒོ་ཐོག་མ་དེ་ཡིན་ལ། ལྷ་ས་དང་ཐ་ན་ལྗོངས་ཡོངས་སུ་གཏོགས་པའི་ཕྱི་ཕྱོགས་ཚོང་དོན་འཕེལ་རྒྱས་ཀྱི་ལམ་ཚད་རྡོ་རིང་གི་གྲུབ་འབྲས་གསར་པ་ཞིག་ཀྱང་རེད། རྒྱལ་ཕྱིའི་མཛོད་ཁང་དེའང་རྒྱལ་ཡོངས་ལ་མཚོན་ན་ནེ་པ་ལར་འགག་སྒོའི་ཐོ་བཀོད་པའི་རྒྱལ་ཕྱིའི་མཛོད་ཁང་ཐོག་མ་དེ་རེད།