※ གཞོན་པའི་ཤུགས་ལས། །

རྒད་པོའི་ཇུས་བཟང་། །

※ ཁ་མང་གྱོད་ཀྱི་རྩ་བ། །

བྱ་མང་བྱུར་གྱི་སྣ་འདྲེན། །

※ རྟ་ཕོ་ཆག་གིས་གསོས། །

དྲིན་ལན་རྡོག་པས་འཇལ། །

※ མི་མདོག་ངན་བཤད་པ་ཚ། །

སྙེ་མ་རྡོག་མེད་མགོ་འཕང་མཐོ། །

※ མི་ངན་གར་འགྲོ་གཏམ་ངན། །

བྱ་ངན་གར་འགྲོ་སྐད་ངན། །

※ མི་གཡོ་ཅན་གྲོགས་སུ་འགུགས་པ་དེ། །

རྡོ་རིལ་རིལ་རྩིག་པར་འཇུག་དང་མཚུངས། །

※ ཁ་མཚར་ཁ་ཡི་རྒྱན་ཆ། །

མེ་ཏོག་སྤང་གི་རྒྱན་ཆ། །

※ ཁོག་དྲང་མོ་མདའ་འདྲ་འདྲ། །

སེམས་བརྟན་པོ་རི་འདྲ་འདྲ། །

※ བསམ་ནས་བཤད་ན་ཚིག་ཡིན། །

བལྡད་ནས་མིད་ན་ཟས་ཡིན། །

※ རྒྱ་ཤོག་དཀར་པོའི་ངོས་འཇམ་ལ། །

ཡི་གེ་ནག་ཆུང་གྲལ་ལ་བཞུགས། །

※ སྒྲ་འཛིན་རྣ་བས་ཐོས་པ་ལས། །

འདྲེན་བྱེད་མིག་གིས་རིག་ན་དགའ། །

※ གཏམ་འགོ་འཛུམ་གྱིས་བསུས། །

གཏམ་གཞུག་འཛུམ་ལ་བཞག །

※ བཏང་ན་མདའ་དང་བཀུག་ན་གཞུ། །