ཉེ་ཆར། དིང་རི་རྫོང་མི་དམངས་ཁྲིམས་ཁང་གིས་ཁ་པར་ནས་ཆུ་ལྷོ་ཤང་གི་ཁྲིམས་དཔོན་དང་འབྲེལ་བ་བྱས་ཏེ་ཁོངས་གཏོགས་ཁུལ་གྱི་བཟའ་ཚང་ཁ་བྲལ་གྱི་རྩོད་གཞི་ཞིག་ཐག་གཅོད་བྱ་རྒྱུའི་རེ་བ་བཏོན་པ་རེད། ཁ་པར་འབྱོར་རྗེས་འབྲེལ་གཏུག་ཁྲིམས་དཔོན་གྱིས་འཕྲལ་མར་ཆུ་ལྷོ་ཤང་རམ་ཆེན་གྲོང་ཚོར་བསྐྱོད་དེ་ཤང་དང་གྲོང་ཚོའི་འདུམ་འགྲིག་ཨུ་ལྷན་ལ་ས་གནས་ས་ཐོག་ཏུ་མཛུབ་ཁྲིད་བྱས་ནས་རྩོད་གཞི་དེ་འདུམ་འགྲིག་བྱས་པ་རེད།

ཤེས་རྟོགས་བྱས་པར་གཞིགས་ན། ཁོང་གཉིས་གཉེན་སྒྲིག་བྱས་ནས་ལོ་བཅུ་ལྷག་ཙམ་སོང་བ་དང་འཚོ་བ་དང་གོམས་གཤིས་སོགས་མི་མཐུན་པའི་རྐྱེན་གྱིས་རྒྱུན་དུ་ཁ་རྩོད་ཤོར་གྱི་ཡོད་པ་མ་ཟད། སྒྱུག་མོ་དང་མནའ་མ་ཡང་འཆམ་པོ་མེད། འོན་ཀྱང་བུ་དང་། ཁྱོ་ག པ་ཕ་བཅས་ཡིན་པའི་ནོར་ཆེ་གེ་མོས་སྒྱུག་མོ་དང་མནའ་མར་ཁ་ཏ་བསླབ་བྱ་བྱས་ཀྱང་ཁོང་་གཉིས་ཀྱི་འབྲེལ་བ་ཡག་ཏུ་གཏོང་མི་ཐུབ་པའི་དབང་གིས་གནས་ཚུལ་དེ་ཇེ་སྡུག་ཏུ་སོང་སྟེ་མཐར་ཁྲིམས་ཁང་ལ་ཐུག་པ་ཞིག་རེད།……