འདི་ག་ཚགས་པར་ཁང་དུ་ལྷ་ས་ནས་ཟླ་1ཚེས་18ཉིན་གནས་ཚུལ་འབྱོར་གསལ། རྒྱལ་ཁབ་རླུང་འཕྲིན་བརྙན་འཕྲིན་སྤྱི་ཁྱབ་ཅུས་ཀྱིས་བརྙན་འཕྲིན་གྱི་གྲོན་དངུལ་བསྐྱར་བསྡུ་དང་བཀོལ་སྤྱོད་རྙོག་འཛིང་ཆེ་རིགས་ཀྱི་བཅོས་སྒྲིག་ལས་དོན་བཀོད་སྒྲིག་བྱས་ཚུན། རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་བརྙན་འཕྲིན་གྱི་གྲོན་དངུལ་བསྐྱར་བསྡུ་དང་བཀོལ་སྤྱོད་རྙོག་འཛིང་ཆེ་རིགས་ཀྱི་བཅོས་སྒྲིག་ལས་དོན་དེ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ཁར། ལས་འགན་ཁ་གསལ་དང་བྱེད་ཐབས་འཐུས་སྒོ་ཚང་དུ་བཏང་སྟེ། བརྙན་འཕྲིན་གྱི་གྲོན་དངུལ་བསྐྱར་བསྡུ་དང་བཀོལ་སྤྱོད་རྙོག་འཛིང་ཆེ་རིགས་ཀྱི་བཅོས་སྒྲིག་ལས་དོན་ལ་དངོས་དངོས་རྗེན་རྗེན་གྱི་ཕན་འབྲས་ཐོན་པར་སྐུལ་འདེད་བཏང་བ་རེད།

ཤེས་རྟོགས་བྱུང་བར་གཞིགས་ན། རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་བརྙན་འཕྲིན་གྱི་གྲོན་དངུལ་བསྐྱར་བསྡུ་བཅོས་སྒྲིག་ཆེད་དོན་ཚོགས་ཆུང་དང་། བཀོལ་སྤྱོད་རྙོག་འཛིང་ཆེ་རིགས་ཀྱི་བཅོས་སྒྲིག་ལས་དོན་གྱི་ཆེད་དོན་ཚོགས་ཆུང་། དྲིལ་བསྒྲགས་ཀྱི་ནང་དོན་དང་བརྡ་ཁྱབ་བཅོས་སྒྲིག་ཚོགས་ཆུང་བཅས་ལས་དོན་ཚོགས་ཆུང་གསུམ་བཙུགས་ནས་བོད་ཀྱི་བརྙན་འཕྲིན་བཀོལ་སྤྱོད་ཀྱི་རྙོག་འཛིང་ཆེ་རིགས་ཀྱི་བཅོས་སྒྲིག་ལས་དོན་གྱི་དུས་མཚམས་དང་པོའི་ཕན་འབྲས་ལ་ཚོད་སྐོར་བྱས་པ་རེད།

ལས་དོན་ལ་སྐུལ་འདེད་གཏོང་བའི་ཐད་རང་སྐྱོང་ལྗོངས་རླུང་འཕྲིན་བརྙན་འཕྲིན་ཅུས་ཀྱིས་གཏན་འཁེལ་བྱས་པའི་དུས་ཚོད་རེའུ་མིག་དང་ལམ་ཐིག་གཞིར་བཟུང་། མིག་སྔར་གཞི་ཚུགས་ནས་རིགས་དབྱེ་ལག་བསྟར་བྱས་ཡོད། མིག་སྔར། ཀྲུང་གོ་རླུང་འཕྲིན་བརྙན་འཕྲིན་བོད་ལྗོངས་དྲ་རྒྱ་ཚད་ཡོད་ཀུང་སིས་བརྙན་འཕྲིན་གྱི་གྲོན་དངུལ་བསྐྱར་བསྡུ་དང་འབྲེལ་བ་ཡོད་རིགས་དག་ཐེར་བྱེད་དགོས་པའི་གསལ་ཐོ་6ཡོད་པ་ཚང་མ་དག་ཐེར་བྱས་པ་དང་། ཀྲུང་གོ་གློག་འཕྲིན་བོད་ལྗོངས་ཡན་ལག་ཀུང་སིས་དག་ཐེར་ལས་འགན་ཁག་60ལེགས་སྒྲུབ་བྱས་པ་དང་དག་ཐེར་ལེགས་སྒྲུབ་བྱུང་ཚད་100%ཟིན་ཡོད། ཀྲུང་གོ་སྒུལ་བདེ་བོད་ལྗོངས་ཡན་ལག་ཀུང་སིས་བརྙན་འཕྲིན་གྱི་གྲོན་དངུལ་བསྐྱར་བསྡུ་བཅོས་སྒྲིག་ལས་དོན་དེ་དྲ་ངོས་དང་། གྲོན་བསྡུ། གཉེར་སྐྱོང་བཅས་རིགས་ཆེ་གྲས་གསུམ་དུ་ཕྱེ་བ་དང་ཞིབ་ཕྲའི་དག་ཐེར་ལས་དོན་གྱི་གསལ་ཐོ་53བཟོས་པ་ད་ཆ་ཚང་མ་དག་ཐེར་བྱས་པ་དང་དག་ཐེར་ལེགས་སྒྲུབ་བྱུང་ཚད་100%ཟིན་ཡོད་པ་རེད། （དབང་སྒྲོན་སྐྱིད་ཀྱིས་བསྒྱུར། སྤེན་ཚེས་ཞུས）