འདི་ག་ཚགས་པར་ཁང་དུ་ཆབ་མདོ་ནས་ཟླ་1ཚེས་17ཉིན་གློག་འཕྲིན་འབྱོར་གསལ། ཉིན་ཤས་གོང་། བོད་ལྗོངས་མཁའ་འགྲུལ་གྱི་དུས་གཏན་གནམ་གྲུ་TV9955རྟགས་ཅན་ཆབ་མདོ་སྤང་མདའ་གནམ་ཐང་ནས་འཕུར་འགོ་ཚུགས་པ་དེ་ཐོག་ནས་ཆབ་མདོ་སྤང་མདའ་ནས་ཁྲེང་ཏུའུ་ཧྲོང་ལིའུ་བར་དང་དེ་ནས་རྒྱལ་ས་པེ་ཅིང་བར་མཁའ་ལམ་ཤར་གཏོང་ཐུབ་པ་མཚོན་གྱི་ཡོད། དེར་བརྟེན་ཆབ་མདོ་ནི་ལྗོངས་ཡོངས་སུ་པེ་ཅིང་དུ་སྐྱོད་པའི་མཁའ་ལམ་གསུམ་པ་གཏོད་མཁན་གྱི་གྲོང་ཁྱེར་དུ་གྱུར་ཡོད་པ་རེད།

བོད་ལྗོངས་མཁའ་འགྲུལ་ཚད་ཡོད་ཀུང་སིའི་སྤྱི་ཁྱབ་ཅིང་ལི་གཞོན་པ་ཝུན་ཐའོ་ཡིས། ཆབ་མདོ་སྤང་མདའ་ནས་ཁྲེང་ཏུའུ་ཧྲོང་ལིའུ་བར་དང་དེ་ནས་རྒྱལ་ས་པེ་ཅིང་བར་གྱི་མཁའ་ལམ་ལེགས་གྲུབ་ལྡན་པའི་ངང་བཏོད་པ་དང་བསྟུན་ནས་བོད་ལྗོངས་མཁའ་འགྲུལ་གྱིས་ཞབས་འདེགས་དང་འགན་ལེན་བྱེད་ཤུགས་ཟམ་མི་ཆད་པར་ཆེ་རུ་བཏང་སྟེ། སྤུས་ལེགས་དང་། ནུས་ཆེ། སྟབས་བདེ། དངོས་ཕན་བཅས་ཀྱི་གཉེར་སྐྱོང་ཞབས་འདེགས་ལ་བརྟེན་ནས་ས་ཁུལ་གསུམ་འཕེལ་རྒྱས་དང་རྒྱ་ཆེའི་མང་ཚོགས་ལ་བདེ་རྩ་བསྐྲུན་རྒྱུ་རེད་ཅེས་བརྗོད།