འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉིན་ཤས་གོང་། གསར་འགོད་པར་ལྗོངས་ཡོངས་ཀྱི་དཔལ་འབྱོར་དང་ཆ་འཕྲིན་ཅན་གྱི་ལས་དོན་ཚོགས་འདུ་ནས་ཤེས་རྟོགས་བྱུང་བར། 2023ལོར། ལྗོངས་ཡོངས་ཀྱི་དཔལ་འབྱོར་དང་ཆ་འཕྲིན་ཅན་ཁོངས་གཏོགས་ཀྱིས“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་སྟེ་གསོག་འབོར་ལེགས་གཏོང་དང་། འཕར་ཚད་རྒྱ་སྐྱེད། སྒུལ་ནུས་སྒྱུར་བ། སྤུས་ཕན་གཉིས་ཀ་ཆེར་གཏོང་བཅས་ཤུགས་ཆེན་ཡོང་བ་བྱས་ནས་དཔལ་འབྱོར་དང་ཆ་འཕྲིན་ཅན་སྤུས་ཚད་མཐོ་བའི་འཕེལ་རྒྱས་ལ་གོམ་སྟབས་བརྟན་པོ་ཞིག་སྤོ་བར་སྐུལ་འདེད་བཏང་ཡོད། སྔོན་དཔག་ལྟར་ན། ལོ་ཧྲིལ་པོར་ལྗོངས་ཡོངས་ཀྱི་གཞི་ཁྱོན་ཡན་གྱི་བཟོ་ལས་འཕར་ཐང་དུས་མཚུངས་ལས་10%ཡན་འཕར་བ་དང་། གཞི་ཁྱོན་ཡན་གྱི་བཟོ་སྐྲུན་ལས་རིགས་ཀྱི་འཕར་ཐང་དུས་མཚུངས་ལས་40%ཙམ་འཕར་བ། གྲངས་འཛིན་དཔལ་འབྱོར་འཕར་ཐང་དུས་མཚུངས་ལས་15%ཡན་འཕར་བ། གླིང་ཁུལ་བཟོ་ལས་ཀྱི་སྤྱིའི་ཐོན་སྐྱེད་རིན་ཐང་དུས་མཚུངས་ལས་30%ཡན་འཕར་བ། ལྗང་མདོག་བཟོ་ལས་ཀྱི་གཏན་འཇགས་རྒྱུ་ནོར་ལ་མ་དངུལ་གཏོང་ཚད་དུས་མཚུངས་ལས་35.4%འཕར་བ། མཐོ་གསར་གྲངས་འཛིན་ཐོན་ལས་ལ་མ་དངུལ་གཏོང་ཚད་དུས་མཚུངས་ལས་36%འཕར་བ་བཅས་བྱུང་ཡོད།

(པར་ངོས་བཞི་པར་གཟིགས)