ཞིང་ལས་ལག་རྩལ་འདུས་གྲུབ་གསར་གཏོད་བྱེད་པ་ནི“ཞིང་བརྟེན་འབྲུ་གསོག་དང་རྩལ་བརྟེན་འབྲུ་གསོག”གི་འཐབ་ཇུས་དོན་འཁྱོལ་བྱས་ནས་ཚན་ཞིབ་ནས་ཐོན་སྐྱེད་བར་གྱི“མཐའ་མའི་འགག་གནད”སེལ་བའི་བྱ་ཐབས་གལ་ཆེན་ཞིག་རེད།

ཤེས་རྟོགས་བྱུང་བར་གཞིགས་ན། ཡིད་འོང་ཇ་རའི་ཇ་ཞིང་གི་སྤྱིའི་རྒྱ་ཁྱོན་ལ་མུའུ་5350ཟིན་པ་དང་། 2023ལོར་ཁྱོན་ཇ་ལོ་རྒྱ་མ་ཁྲི་86བསྡུས་ནས་ཇ་ལོ་རྒྱ་མ་ཁྲི་13.2བཟོས་པ། མི་230ལས་ཞུཊ་ལ་སྐུལ་ཁྲིད་བྱས་པ། ཡོང་འབབ་སྒོར་ཁྲི་420བྱུང་ཡོད།

འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར། གསར་འགོད་པར་འབྲེལ་ཡོད་སྡེ་ཚན་ནས་ཤེས་རྟོགས་བྱུང་བར། ཉིང་ཁྲི་གྲོང་ཁྱེར་གྱིས་བཙུགས་པའི“རྒྱལ་ཁབ་ཞིང་ལས་ལག་རྩལ་འདུས་གྲུབ་གསར་གཏོད་ལྟེ་གནས་ཏེ། བོད་ལྗོངས་སྐྱེ་ཁམས་ཐཱན་ཉུང་ཇའི་ལག་རྩལ་འདུས་གྲུབ་དཔེ་སྟོན་རྟེན་གཞི”ཞིང་ལས་དང་གྲོང་གསེབ་པུའི་འབྲེལ་ཡོད་སྡེ་ཚན་གྱིས་ཞིབ་དཔྱད་རྩིས་ལེན་བྱས་པ་བརྒྱུད། རྒྱལ་ཁབ་ཞིང་ལས་འདུས་གྲུབ་གསར་གཏོད་ལྟེ་གནས་ཀྱིས་ངོས་འཛིན་གཏན་འཁེལ་བྱས་པའི་རང་ལྗོངས་ཀྱི་ལག་རྩལ་འདུས་གྲུབ་དཔེ་སྟོན་རྟེན་གཞི་དང་པོར་གྱུར་ཡོད།

ཤེས་རྟོགས་བྱུང་བར་གཞིགས་ན། ཞིང་ལས་ལག་རྩལ་འདུས་གྲུབ་གསར་གཏོད་བྱེད་པ་ནི“ཞིང་བརྟེན་འབྲུ་གསོག་དང་རྩལ་བརྟེན་འབྲུ་གསོག”གི་འཐབ་ཇུས་དོན་འཁྱོལ་བྱས་ནས་ཚན་ཞིབ་ནས་ཐོན་སྐྱེད་བར་གྱི“མཐའ་མའི་འགག་གནད”སེལ་བའི་བྱ་ཐབས་གལ་ཆེན་ཞིག་རེད། རྒྱལ་ཡོངས་ཞིང་ལས་ལག་རྩལ་ལྟེ་གནས་ཏང་ཨུད་ཀྱི་ཧྲུའུ་ཅི་གཞོན་པ་ཞུས་ཧྲུའུ་རེན་གྱིས་བརྗོད་དོན། རྟེན་གཞིས་འདུས་གྲུབ་ལྟེ་གནས་རྨང་གཞིར་བྱས་ནས། ཚན་ཞིབ་དང་ཐོན་སྐྱེད་ཐ་དད་དུ་གྱུར་པའི་གནད་དོན་དངོས་ཐག་གཅོད་བྱས་ཏེ། ཚན་ཞིབ་དང་། ཞིང་འཕྲུལ། ཁྱབ་གདལ་སོགས་ཀྱི་སྡེ་ཚན་སྒྲིག་འཛུགས་བྱས་ནས་མཐུན་སྦྱོར་སྐུལ་འདེད་བཏང་སྟེ་། ཁྱབ་གདལ་གཏོང་བའི་བརྒྱུད་རིམ་ཁྲོད་ཀྱི་འཇུར་མིག་གནད་དོན་ཏན་ཏིག་སེལ་བ་དང་། ཇ་ཤིང་སྐྱེ་འཚར་གཙོ་བོར་བྱས་ཏེ་རྒྱུ་རྐྱེན་གཙོ་བོ་དང་། བརྒྱུད་རིམ་ཧྲིལ་པོ། དུས་འཁོར་ཧྲིལ་པོ་བཅས་ཀྱི་ཞབས་འདེགས་ཞུ་བ། ཚན་ཞིབ་གྲུབ་འབྲས་ཞིང་ནང་དང་མུ་ཁར་སྤྱོད་པ། ཉེ་འཁོར་གྱི་ཁེ་ལས་དང་ཇ་འདེབས་ཞིང་པར་སྐུལ་ཁྲིད་བྱེད་པ། ལག་རྩལ་འདུས་གྲུབ་ཐད་ཤུགས་རྒྱག་པ། ལད་ཟློས་དང་ཁྱབ་གདལ་གཏོང་ཆོག་པའི་གཉེར་སྟངས་ཧུར་ཐག་ཆགས་པར་བྱས་ཏེ། བོད་ཀྱི་ཇ་ལས་ཀྱི་སྤུས་ཚད་དང་ཕན་འབྲས་ལ་སྐུལ་འདེད་གཏོང་དགོས།

ཤེས་རྟོགས་བྱུང་བར་གཞིགས་ན། ཡིད་འོང་ཇ་རའི་ཇ་ཞིང་གི་སྤྱིའི་རྒྱ་ཁྱོན་ལ་མུའུ་5350ཟིན་པ་དང་། 2023ལོར་ཁྱོན་ཇ་ལོ་རྒྱ་མ་ཁྲི་86བསྡུས་ནས་ཇ་ལོ་རྒྱ་མ་ཁྲི་13.2བཟོས་པ། མི་230ལས་ཞུགས་ལ་སྐུལ་ཁྲིད་བྱས་པ། ཡོང་འབབ་སྒོར་ཁྲི་420བྱུང་ཡོད།

（ལྷག་ཚེས་བསྒྱུར། མཚམས་གཅོད་ཀྱིས་ཞུས）