འདི་ག་ཚགས་པར་ཁང་དུ་མཚོ་སྨད་ནས་གློག་འཕྲིན་འབྱོར་གསལ། ཉེ་ཆར། མཚོ་སྨད་རྫོང་གྲི་གུ་གྲོང་རྡལ་གྱིས་འབྲོག་པའི་རླངས་འཁོར་210སྒྲིག་འཛུགས་བྱས་ཏེ། ཁྱོན་ཚགས་ཤ་ཁོག་2829དང་ལུག་ཤ་ཁོག་11741བླུགས་་ནས་ཡར་ཀླུང་ཚོང་འདུས་ལ་ཞུགས་པ་རེད།

ཤེས་རྟོགས་བྱུང་བར་གཞིགས་ན། ལྷོ་ཁ་གྲོང་ཁྱེར་ཡར་ཀླུང་ཚོང་འདུས་སྐབས་45པ་ཉེ་ཆར་སྣེ་གདོང་ཆུས་ལོ་ཆུང་ཨར་ལས་རྒྱུ་ཆ་ཉོ་ཚོང་ཁྲོམ་རར་གཉེར་བ་རེད། ཡར་ཀླུང་ཚོང་འདུས་ནི་ལྷོ་ཁ་གྲོང་ཁྱེར་གྱི་དངོས་ཟོག་བརྗེ་རེས་དང་། རིག་གནས་སྤེལ་རེས། ཁྱད་ལྡན་ཐོན་རྫས་འགྲེམས་ཚོང་བཅས་གཞི་གཅིག་ཏུ་འདུས་པའི་གཞི་ཁྱོན་ཆེ་ཤོས་དང་། ཞུགས་མཁན་མི་གྲངས་མང་ཤོས། ཤུགས་རྐྱེན་ཐེབས་ཚད་ཆེ་ཤོས་བཅས་ཀྱི་ཉོ་ཚོང་འདུ་ཚོགས་ཤིག་རེད། ལྷོ་ཁ་གྲོང་ཁྱེར་གྱི་འབྲོག་ལས་རྫོང་ཆེན་ཡིན་པའི་མཚོ་སྨད་རྫོང་ལ་ད་ཐེངས་ཀྱི་ཚོང་འདུས་ལ་འགྲེམས་ཚོང་ཁྲོམ་བཀྱག་757ཡོད་པ་རེད།

མཚོ་སྨད་རྫོང་ཚོང་དོན་ཅུས་ཀྱི་ཅུས་ཀྲང་གཞོན་པ་གཡང་འཛོམས་ཀྱིས་ངོ་སྤྲོད་བྱས་དོན། ཡར་ཀླུང་ཚོང་འདུས་ནི་མཚོ་སྨད་རྫོང་གི་མང་ཚོགས་ཀྱི་ཞིང་འབྲོག་ཐོན་རྫས་འཚོང་སའི་སྟེགས་བུ་གལ་ཆེན་ཞིག་རེད་ལ། ཁྱད་ལྡན་ཐོན་རྫས་གཙོ་བོ་ཚགས་ཤ་དང་ལུག་ཤ་རེད། ཚོང་འདུས་འཚོགས་པ་ལས་ཞིང་འབྲོག་པའི་ཁྱད་ལྡན་ཐོན་རྫས་ཚོང་གཉེར་ལམ་བུ་དེ་བས་ཡངས་སུ་སོང་ཡོད། བསྡོམས་རྩིས་ལྟར་ན། ད་ཐེངས་ཀྱི་ཚོང་འདུས་ལ་ཚོད་དཔག་བྱས་ན་ཁྱད་ལྡན་ཐོན་རྫས་ཀྱི་བྲིན་ཚོང་ཡོང་འབབ་སྒོར་ཁྲི་4700ལྷག་ཙམ་ཟིན་ཡོད་པ་རེད།