འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉིན་མོའི་ལྟ་སྐྱོང་ལྟེ་གནས་ཀྱི་རྒན་རྒོན་ཚོའི་ཞབས་ཞུའི་དགོས་མཁོ་སྣ་ཚོགས་སྔར་ལས་ལྷག་པའི་སྒོ་ནས་སྐོང་ཆེད། ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་རྒན་རྒོན་ཉིན་མོའི་ལྟ་སྐྱོང་ལྟེ་གནས་ཀྱིས“དྲོ་སྐྱིད་སྦྱིན”ཞེས་པའི་དང་བླངས་ཞབས་ཞུའི་བྱེད་སྒོ་སྤེལ་བ་རེད།

བྱེད་སྒོ་སྤེལ་ཡུལ་དུ་ལྷ་ས་གྲོང་ཁྱེར་ཁྲེང་ཀོན་ཆུས་རྒན་རྒོན་ཉིན་མོའི་ལྟ་སྐྱོང་ལྟེ་གནས་ཀྱི་ལས་དོན་པས་དེ་གར་ཡོད་པའི་རྒན་རྒོན་རེ་རེ་བྱས་ནས་ཁྲག་ཤེད་དང་ཁྲག་མངར་བརྟག་དཔྱད་བྱས་པ་དང་། ཁྲག་ཤེད་མཐོ་བའི་ནད་དང་ཁྲག་མངར་མཐོ་བའི་ནད་ཀྱི་གནོད་སྐྱོན་སྒྲོག་འགྲེལ་ཧུར་ཐག་བྱས་པ་མ་ཟད། ད་དུང་རྒན་རྒོན་གྱི་བདེ་ཐང་ཤེས་བྱ་ཁྱབ་གདལ་ཡང་བཏང་བ་རེད། ལྷ་ས་གྲོང་ཁྱེར་ཁྲེང་ཀོན་ཆུས་རྒན་རྒོན་ཉིན་མོའི་ལྟ་སྐྱོང་ལྟེ་གནས་ཀྱི་བློ་འདྲི་བ་སྐལ་བཟང་ལྷ་མོས། དང་བླངས་པ་ཞིག་ཡིན་པའི་ངས་གཞན་ལ་རོཌ་རམ་བྱེད་པ་ནི་ཉམས་ལེན་ཡག་པོ་ཞིག་ཡིན་པའི་མྱོང་ཚོར་ཟབ་མོ་བྱུང་། ཕྱིས་སུ་རྒན་རྒོན་རྣམས་ལ་མུ་མཐུད་ཞབས་འདེགས་ཡག་པོ་ཞུ་རྒྱུ་ཡིན་ཞེས་བརྗོད་པ་རེད།

ལྷ་ས་གྲོང་ཁྱེར་ཁྲེང་ཀོན་ཆུས་རྒན་རྒོན་ཉིན་མོའི་ལྟ་སྐྱོང་ལྟེ་གནས་ཀྱི་ལས་དོན་པས“གོམ་སྟབས་རྗེས་མར་ང་ཚོས་མུ་མཐུད་བྱེད་སྒོ་དེ་རིགས་མང་ཙམ་སྤེལ་ཏེ། རྒན་རྒོན་དེ་བས་མང་བར་སྤྱི་ཚོགས་ཁྱིམ་ཚང་ཆེན་པོའི་དྲོ་སྐྱིད་སྦྱིན་རྒྱུ་ཡིན”ཞེས་ངོ་སྤྲོད་བྱས་པ་རེད།

（ཟླ་ཕུར་གྱིས་བསྒྱུར། སྤེན་ཚེས་ཞུས）