ཉེ་ཆར། གསར་འགོད་པར་རང་སྐྱོང་ལྗོངས་ཡུལ་སྐོར་འཕེལ་རྒྱས་ཐིང་ནས་ཤེས་རྟོཌ་བྱུང་བར། ནག་ཆུ་གྲོང་ཁྱེར་ཉི་མ་རྫོང་དྭངས་ར་གཡུ་མཚོ་དང་། ལྷ་ས་གྲོང་ཁྱེར་འདམ་གཞུང་རྫོང་གི་གནམ་མཚོའི་བཀྲ་ཤིས་ཕྱེད་གླིང་མཛེས་ལྗོངས་ཁུལ། གཞིས་རྩེ་གྲོང་ཁྱེར་གྲོ་མོ་རྫོང་གི་རྒྱལ་སྒོའི་པ་ཤར་མཛེས་ལྗོངས་ཁུལ་སོགས་རང་ལྗོངས་ཀྱི་མཛེས་ལྗོངས་ཁུལ་9རྒྱལ་ཁབ་ཀྱི་A4རིམ་པའི་ཡུལ་སྐོར་མཛེས་ལྗོངས་ཁུལ་དུ་བདམས་པ་དང་། ལྷོ་ཁ་མཚོ་སྣ་རྫོང་གི་ལེགས་པོ་རོང་མཛེས་ལྗོངས་ཁུལ་དང་ཆབ་མདོ་གྲོང་ཁྱེར་སྨར་ཁམས་རྫོང་གི་ཆུ་ཚན་ཁ་མཛེས་ལྗོངས་ཁུལ་རང་སྐྱོང་ལྗོངས་རིམ་པའི་ཡུལ་སྐོར་སྤྲོ་གསེང་ཁུལ་ལ་བདམས་པ། ཉིང་ཁྲི་གྲོང་ཁྱེར་ཀོང་པོའི་སྣང་འཆར་ཁྲོམ་གཞུང་རང་སྐྱོང་ལྗོངས་རིམ་པའི་ཡུལ་སྐོར་སྤྲོ་གསེང་ཁྲོམ་གཞུང་ལ་བདམས་པ་རེད།
འདི་ནི་དྭངས་ར་གཡུ་མཚོའི་ངོགས་ཀྱི་ཉི་མ་རྫོང་རྒྱ་སྒོག་ཤང་སྐྱིད་གསུམ་གྲོང་ཚོའི་ཨར་ལས་མཇུག་འགྲིལ་མ་ཐག་པའི་གདུང་འདེགས་འཕྲང་ལམ་དང་ལྗོངས་གཟིགས་སྒང་ཡིན་པ།