འདི་ག་ཚགས་པར་ཁང་དུ་ལྷ་ས་ནས་ཟླ་1ཚེས་1ཉིན་གནས་ཚུལ་འབྱོར་གསལ། གནམ་ལོ་གསར་ཚེས་ཀྱི་གུང་གསེང་རིང་ཀྲུང་གོ་ལྕགས་ལམ་མཚོ་བོད་ཚོགས་པ་ཚད་ཡོད་ཀུང་སི་ལྷ་ས་མེ་འཁོར་འཁོར་དོན་ཚན་པས“བདེ་འཇགས་གོ་རིམ་ལྡན་པ་དང་དྲོ་སྐྱིད་ལྡན་པའི་ཞབས་ཞུ”དམིགས་ཚད་དུ་བྱས་ནས། གུང་གསེང་རིང་གི་བདེ་འཇགས་སྐྱེལ་འདྲེན་ལས་དོན་ཁག་སྔ་སྣུར་དུ་བཀོད་སྒྲིག་བྱས་ཏེ་འགྲུལ་པར་བདེ་འཇགས་སྐྱིད་སྣང་དོད་པ་དང་ཤེས་དཔལ་ལས་ཕྱོད་ཆེ་བའི་ཕྱིར་སྐྱོད་ཀྱི་ཞབས་འདེགས་ཞུས་པ་རེད།

ཤེས་རྟོགས་བྱུང་བར་གཞིགས་ན། གནམ་ལོ་གསར་ཚེས་ཀྱི་གུང་གསེང་རིང་། ལྷ་ས་མེ་འཁོར་འཁོར་དོན་ཚན་པས་དོ་དམ་འབྱེད་ཁོངས་ནག་ཆུ་དང་། ཨ་མདོ། གཞིས་རྩེ་སོགས་མེ་འཁོར་བབས་ཚུགས་ཀྱི་འགྲུལ་པ་གཙོ་བོ་སློབ་མ་དང་། གཉེན་ཉེ་ཐུག་འཕྲད་བྱེད་མཁན། ཡུལ་སྐོར་བ་བཅས་ཡིན་པ་དང་། ཁྲེང་ཏུའུ་དང་ཁྲུང་ཆིང་སོགས་སུ་སྐྱོད་མཁན་འགྲུལ་པ་མང་ཙམ་ཡོད། སྔོན་དཔག་བྱས་ན་འགྲུལ་པ་མི་ཐེངས་ཁྲི་1.3སྐྱེལ་འདྲེན་བྱས་པ་དང་འགྲུལ་པ་མི་ཐེངས་ཁྲི་1.2འབྱོར་ཡོད་པ་རེད།

གནམ་ལོ་གསར་ཚེས་རིང་འགྲུལ་པ་སྐྱེལ་འདྲེན་གྱི་བདེ་འཇགས་ཉེན་ཁ་གོ་རིམ་ལྡན་པའི་ངང་ཚོད་འཛིན་བྱས་ནས་གུང་གསེང་རིང་གི་སྐྱེལ་འདྲེན་བདེ་འཇགས་དང་། སྤ་སེ་འཚོང་བ། སྒྲིག་ལམ། ཞབས་ཞུ། འཕྲལ་སྡོམ་སོཊ་ཀྱི་ལས་དོན་ཁག་སྔར་བས་དམ་འཛིན་ཡག་པོ་བྱ་ཆེད། ལྷ་ས་མེ་འཁོར་འཁོར་དོན་ཚན་པས་འགྲུལ་པ་མང་བའི་དུས་སུ་སྤ་སེ་འཚོང་སའི་སྐར་ཁུང་དང་། བདེ་འཇགས་ཞིབ་བཤེར་གྱི“བགྲོད་ལམ་གཉིས”སུ་ལས་དོན་མི་སྣ་མང་དུ་གཏོང་བ་སོགས་ཀྱི་བྱེད་ཐབས་སྤྱད་དེ་དུས་ཆེན་རིང་འགྲུལ་པ་བདེ་འཇགས་ངང་སྐྱེལ་འདྲེན་ཐུབ་པའི་འགན་ལེན་བྱས་པ་རེད།

འགྲུལ་པའི་དངོས་ཟོག་ཅུང་མང་བའི་གནས་ཚུལ་ལ་དམིགས་ཏེ་ལྷ་ས་མེ་འཁོར་འཁོར་དོན་ཚན་པས“ལྟོ་ཕད་ཚང་མར་ངེས་པར་དུ་ཞིབ་བཤེར་བྱེད་པ་དང་། གཤེར་ཆུ་ཚང་མར་ངེས་པར་དུ་ཞིབ་བཤེར་བྱེད་པ། དོགས་པ་ཡོད་ཚེ་ངེས་པར་དུ་འདྲི་རྩད་བྱེད་པ”བཅས་དོན་འཁྱོལ་ནན་པོ་བྱས་ནས་འགྲུལ་པའི་དངོས་ཟོག་ཚང་མ་འཕྲུལ་ཆས་ནང་བཏང་ནས་ཞིབ་བཤེར་བྱས་ཡོད། འགན་གཙང་འགན་ལེན་གྱི་ལས་བྱེད་པ་དང་མེ་འཁོར་བབས་ཚུགས་ཀྱི་ལས་རེས་ལས་བྱེད་པས་དུས་མཚམས་གལ་ཆེན་དང་མེ་འཁོར་ཐེངས་གྲངས་གཙོ་བོའི་སྐོར་ཞིབ་དང་ཞིབ་བཤེར་བྱེད་ཤུགས་ཆེ་རུ་བཏང་ནས། གནད་དོན་ཤེས་རྟོགས་ཐུབ་ཚེ་དུས་ཐོག་ཏུ་ཐག་གཅོད་བྱས་ཏེ་ཉེན་ཆེའི་དངོས་ཟོག་བབས་ཚུགས་ཕྱི་རོལ་དུ་ཕབ་ནས་འགྲུལ་པའི་ཕྱིར་སྐྱོད་བདེ་འཇགས་འགན་ལེན་ཏན་ཏིག་བྱས་པ་རེད།