འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ལྷ་ས་འགག་སྒོ་ལས་ཁུངས་ཀྱི་བསྡོམས་རྩིས་ལ་གཞིགས་ན། འདི་ལོའི་ཟླ་བ་དང་པོ་ནས་བཅུ་གཅིག་པའི་བར། རང་ལྗོངས་ཀྱི་དངོས་ཟོག་ཚོང་དོན་ཕྱིར་གཏོང་ནང་འདྲེན་གྱི་སྤྱིའི་རིན་ཐང་སྒོར་དུང་ཕྱུར་100ལྷག་ཙམ་ཟིན་པ་དང་སྒོར་དུང་ཕྱུར་102.52ཟིན་ནས་དུས་མཚུངས་ལས་ལྡབ་1.5འཕར་ཡོད། དེའི་ནང་ཕྱིར་གཏོང་བྱེད་ཚད་སྒོར་དུང་ཕྱུར་92.10ཟིན་པ་དུས་མཚུངས་ལས་ལྡབ་1.4འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར་10.41ཟིན་པ་དུས་མཚུངས་ལས་ལྡབ་3.0འཕར་ཡོད།

2023ལོའི་ཟླ་བཅུ་གཅིག་པར། རང་ལྗོངས་ཀྱི་ཕྱི་ཕྱོགས་ཚོང་དོན་གྱིས་ཟླ་བ་དང་པོ་ནས་བཅུ་པའི་བར་འཕར་བའི་རྣམ་པ་རྒྱུན་འཁྱོངས་ཐུབ་པ་དང་། ཟླ་བ་འདིའི་ཕྱིར་གཏོང་ནང་འདྲེན་གྱི་རིན་ཐང་སྒོར་དུང་ཕྱུར་8.94ཟིན་ནས་དུས་མཚུངས་ལས་ལྡབ་1.3འཕར་ཡོད། ཚོང་དོན་རོགས་ཟླ་གོ་ལ་ཧྲིལ་པོར་ཁྱབ་ཅིང་། 2023ལོའི་ཟླ་བ་དང་པོ་ནས་བཅུ་གཅིག་པའི་བར། རང་ལྗོངས་ཀྱིས་རྒྱལ་ཁབ་དང་ས་ཁུལ་173དང་ཕྱིར་གཏོང་ནང་འདྲེན་གྱི་ཚོང་དོན་ལས་སྒོ་སྤེལ་ཡོད། ནེ་པ་ལ་ནི་སྔར་བཞིན་ཚོང་དོན་རོགས་ཟླ་གཙོ་བོ་ཡིན་པ་དང་ཕྱོགས་གཉིས་པོའི་ཚོང་དོན་རིན་ཐང་སྒོར་དུང་ཕྱུར་25.12ཟིན་པ་དུས་མཚུངས་ལས་72.7%འཕར་ཡོད། གཉེར་སྐྱོང་བྱེད་པོ་ཞུགས་ཚད་རྒྱུན་ཆད་མེད་པར་མང་དུ་ཕྱིན་ནས་2023ལོའི་ཟླ་བ་དང་པོ་ནས་བཅུ་གཅིག་པའི་བར་ཁེ་ལས་ཀྱི་ཚོང་ཡག་པོ་བྱུང་ནས་13%ལ་སླེབས་ཡོད། དམངས་གཉེར་ཁེ་ལས་ཀྱི་ཕྱིར་གཏོང་ནང་འདྲེན་སྒོར་དུང་ཕྱུར་96.04ཟིན་པ་དུས་མཚུངས་ལས་ལྡབ་1.4འཕར་བ་དེས་སྤྱིའི་རིན་ཐང་གི་93.7%ཡན་བཟུང་ཡོད། དེ་སྔར་བཞིན་ཕྱི་ཕྱོགས་ཚོང་དོན་གྱི་སྟོབས་ཤུགས་གཙོ་བོ་ཞིག་ཡིན་པ་རེད།

（པ་སངས་སྒྲོན་ལགས་ཀྱིས་བསྒྱུར། བསོད་བདེ་གཞོན་པས་ཞུས）