ཤར་ལུང་བྲག

ཤར་ལུང་བྲག་གི་ལོགས་ནས། །

མེ་ཏོག་པདྨ་ཤར་བྱུང་། །

མེ་ཏོག་པདྨ་ཤར་ནས། །

ཤར་ལུང་འོད་ཀྱིས་ཁེངས་སོང་། །

ཤར་ལུང་བྲག་གི་ལོགས་ན། །

བྲག་ཆུ་ཤེལ་ལས་དྭངས་བ། །

བྲག་ཆུ་བཞེས་པ་གནང་དང་། །

ལུས་སེམས་བདེ་ལ་འཁོད་སོང་། །

སྐལ་བཟང་ལགས།

ཤར་བ་རྒྱ་མཚོའི་རི་ལ་རི་བཤད་ཡོད། །

རྒྱ་མཚོ་ཤར་གྱི་རི་ལ་རི་བཤད་ཡོད། །

བྲག་རི་དཀར་པོ་སེང་གེ་འགྱིངས་འདྲ་ཡོད། །

རྫ་རི་སྨུག་པོ་མཎྜལ་སྤུངས་འདྲ་ཡོད། །

བྲག་དཀར་རྟ་སོ་འདྲ་བའི་རྟ་གཅིག་ཡོད། །

བྲག་དམར་ཁྱུང་ཆེན་འདྲ་བའི་སྒ་གཅིག་ཡོད། །

དེ་ཡི་སྟེང་དུ་ཆིབས་པའི་མི་བུ་དེ། །

དབང་ཕྱུག་མི་ལ་རས་པ་ངོ་མཚར་ཆེ། །

གཉའ་ནང་མཐོང་ལ།

གཉའ་ནང་མཐོང་ལའི་ལ་ལ། །

རྟ་ཕོས་ཕྱི་བལྟས་སློག་གིས། །

རྟ་ཕོར་བདེན་པ་ཡོད་དོ། །

ཆག་གི་བཟའ་འཕྲོ་ལུས་བཞག །

གཉའ་ནང་མཐོང་ལའི་ལ་ལ། །

ཁ་བའི་སྒོ་ལྕགས་ཐེབས་བཞག །

དྲོད་འཇམ་ཉི་མ་ཨོ་ཤེ །

ཁ་བའི་སྒོ་ལྕགས་ཕྱེ་དང་། །