ཐུགས་མཐུན་འདུལ་ཁྲིམས་གཙང་བའི། །

ངུར་སྨྲིག་དགེ་འདུན་རྣམ་པ། །

དུས་དང་རྣམ་པ་ཀུན་དུ། །

འདུ་ཤེས་གསུམ་པོར་སྦྱོངས་དང་། །

འདུ་ཤེས་འདུ་ཤེས་ཞེས་པ། །

ཚིག་ལ་འགྲེལ་པ་ཞུས་ན། །

མཚན་མར་འཛིན་པའི་དོན་ཡིན། །

དཔེར་ན་ཕ་བུའི་འདུ་ཤེས། །

འདུ་ཤེས་གསུམ་གྱི་ནང་ནས། །

དང་པོ་རྒྱལ་ཁབ་འདུ་ཤེས། །

སྤྱི་དམངས་ཤིག་གི་ངོས་ནས། །

རྒྱལ་ཁབ་རང་གི་ཁྱིམ་ཚང་། །

ཁྱེད་ཉིད་གྲྭ་བཙུན་ཡིན་ཡང་། །

སྤྱི་དམངས་བརྟུལ་ཞུགས་བཟུང་ཡོད། །

དེ་བསྟུན་རྒྱལ་ཁབ་འདུ་ཤེས། །

དགོས་པ་འུ་ཚོའི་འོས་འགན། །

ཆོས་དང་རྒྱལ་ཁབ་བསྡུར་ན། །

རྒྱལ་ཁབ་ཆེ་བ་ཤེས་དགོས། །

གཅིག་མཐུན་འདུས་གྲུབ་བཏོད་ནས། །

མཐུན་སྒྲིལ་སྣེ་འཁྲིད་གནང་དགོས། །

འདུ་ཤེས་གསུམ་གྱི་ནང་ནས། །

གཉིས་པ་སྤྱི་དམངས་འདུ་ཤེས། །

སྤྱི་དམངས་སྤྱི་དམངས་ཞེས་པ། །

རྒྱལ་ཁབ་ཁོངས་མི་ཡིན་ནོ། །

ཁྱེད་རང་ཚད་དང་མཐུན་པའི། །

སྔོན་ཐོན་གྲྭ་བཙུན་བརྩོན་ནས། །

དད་ལྡན་མང་ཚོགས་རྣམས་ལ། །

ཡང་དག་ཁྲིད་སྟོན་གནང་དགོས། །

ཆོས་འབངས་སྤྱི་དམངས་བསྡུར་ན། །

སྤྱི་དམངས་ཆེ་བ་ཤེས་དགོས། །

རང་ངོས་ནུས་པ་བཏོན་ནས། །

བོད་གསར་འཛུགས་སྐྲུན་འབད་དགོས། །

འདུ་ཤེས་གསུམ་གྱི་ནང་ནས། །

གསུམ་པ་ཁྲིམས་སྐྱོང་འདུ་ཤེས། །

ཁྲིམས་སྐྱོང་ཁྲིམས་སྐྱོང་ཞེས་པ། །

རྒྱལ་ཁྲིམས་གོང་བཀུར་ཡིན་ནོ། །

འདུལ་ཁྲིམས་རྒྱལ་ཁྲིམས་བསྡུར་ན། །

རྒྱལ་ཁྲིམས་ཆེ་བ་ཤེས་དགོས། །

རྒྱལ་གཅེས་ཆོས་གཅེས་གནང་ནས། །

སྒྲིག་བཀུར་ཁྲིམས་སྲུང་གནང་དགོས། །

འབངས་ལ་རྒྱལ་ཁྲིམས་མེད་ན། །

བཙན་པོས་ཅི་བཤད་ཡིན་པས། །

ཁྲིམས་ཀྱི་འདུ་ཤེས་ཡོད་དགོས། །

ཁྲིམས་ལུགས་སློབ་སྦྱོང་གནང་དང་། །