འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཆོག་མཆན་ཐོབ་པ་བརྒྱུད། 2023ལོའི་ཟླ་12ཚེས་18ཉིན་ནས་2024ལོའི་ཟླ་1ཚེས་10ཉིན་བར། རང་སྐྱོང་ལྗོངས་ཀྱི་རེས་སྐོར་གཉིས་པའི་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་ཁག་དང་པོས་མུ་མཐུད་ལྷ་ས་དང་། ལྷོ་ཁ། ཆབ་མདོ། ནག་ཆུ་སོགས་གྲོང་ཁྱེར་ལ་ལྟ་བཤེར་ཚུར་ལན་བྱས་ཚུལ་གྱི་སྙན་ཞུ་སྤྲད་པ་རེད། ཚུར་ལན་སྤྲོད་པའི་ཚོགས་འདུ་ལྟ་བཤེར་དང་ལེན་བྱེད་མཁན་གྲོང་ཁྱེར་སྲིད་གཞུང་གི་འགོ་ཁྲིད་གཙོ་བོས་གཙོ་སྐྱོང་བྱས་པ་དང་། ལྟ་བཤེར་ཚོགས་ཆུང་གི་ཙུའུ་ཀྲང་གིས་ལྟ་བཤེར་སྙན་ཞུའི་ནང་དོན་བརྡ་ཁྱབ་བཏང་བ། ལྟ་བཤེར་གྲོང་ཁྱེར་ཏང་ཨུད་ཀྱི་འགོ་ཁྲིད་གཙོ་བོས་རྣམ་འགྱུར་མཚོན་པའི་གཏམ་བཤད་སྤེལ་བ་བཅས་བྱས་པ་རེད།